Украины зүүн нутаг Луганскт болж байгаа зэвсэгт мөргөлдөөний үеэр 13 настай жаал хүү дүү охиныгоо дэлбэрэлтээс халхлаад өөрөө амиа алдасн байна.

“Комсолмольскя правда” сонинд бичсэнээр хоёр сарын өмнө Кирилл Сидорюк хүү өглөөгүүр ээж Оксана Буракова, 9 настай охин дүү Таня хоёртойгоо зах руу явжээ. Тэндээс уурхайчдын өдөрт зориулан хүн бүрийн хоёр ширхэг талх хуваарилан өгч байсныг аваад гэрээдээ явж байтал нь их буугаар буудаж эхэлсэн байна. Тэд ч сум тусч байгаа газраас өөр замаар явах гэж байтал их бууны сум дэргэд нь туссан гэнэ.
 Бараг дэргэд туссан сумын дэлбэрэлтээс ээж нь  ухаан алдаад хэсэг хугацааны дараа сэргэтэл хүү нь дүүгийнхээ дээрээс дараад уначихсан биед нь сум тэсан амь алдсан байжээ.
  
                     Дүү охиноо авраад амиа алдсан Кирилл Сидорюк хүү

Охины биед сумны хэлтэрхий туссан байсан ч гайгүй, харин Оксана өөрөө хөлдөө шархадсан байна.  
“Хүү маань дүүгийнхээ дээрээс дарж, дэлбэрэлтийг халхлаагүй бол охин маань ч бас нас барах байсан” гэж Оксана Буракова хэлснийг хэвлэлүүд иш татжээ.

                                Кирилл хүүгийн дүү Таня