Британийн цай үйлдвэрлэгч "Tetley" компани өөрийнхөө толгой амт ялгагч мэргэжилтнийхээ амт мэдрэгч эс буюу амтлагч рецепторуудыг нь 1,5 сая ам.доллараар даатгуулсан байна.

Энэ компанийн тэргүүлэгч амт ялгагч Себастьян Михаэлис нь 1,5 мянган төрлийн цайны амтыг хооронд нь ялгаж чаддаг. Нэг амтыг ялгахад дунджаар 15 секунд зарцуулдаг гэнэ.Тус компанид нийт долоон амт ялгагч мэргэжилтэн байдаг ч шинэ сортын цай худалдаанд гаргахын өмнө заавал Михаэлисийн эцсийн дүгнэлт гаргадаг аж.

"Tetley" компани нь цайны үйлдвэрлэл ба худалдаагаар дэлхийд хоёрдугаарт ордог. Тус компанийн үйлдвэрүүд дэлхийн 40 оронд байдаг бөгөөд нийт 60 гаруй нэр төрлийн цай үйлдвэрлэдэг.

Эмэгтэйчүүдийн сургуулийг хүйсээр гадуурхсан гэж шүүхэд өгчээ
Японд нэгэн эрэгтэй өөрийг нь элсүүлж авахыг хүсээгүй Фукуокегийн эмэгтэйчүүдийн их сургуулийг шүүхэд өгсөн байна. Эмэгтэйчүүдийн их сургуулийг Японы үндсэн хуулийн 14 зүйлийг зөрчсөн гэж үзээд сэтгэл санаанд нь учирсан хохирлын төлбөр гэж 500 мянган йен нэхжээ.

Энэ сарын эхээр заргач залуу диетологич буюу хоол зүйч мэргэжлээр суралцахын тулд Фукуокед байдаг эмэгтэйчүүдийн сургуульд бичиг баримтаа явуулсан ч цаадуул нь авахаас эрс татгалзжээ. Тус сургуулийн төлөөлөгч нь "Манай сургууль 91 жилийн турш охид, бүсгүйчүүдпийг сургасаар ирсэн тул уламжлалаа өөрчлөх бодолгүй байна" гэжээ.

Гомдол гаргасан залуу хувийн сургуульд сурахыг хүсээгүй тул арга буюу тус сургуульд аж. Учир нь,  Японд хоол зүйч гэсэн мэргэжлээр төгсгөдөг цорын ганц улсын сургууль эмэгтэйчүүдийнх байсан гэнэ.