Туркийн иргэний агаарын тээврийн Turkish Airlines компанийн Боинг-737-гийн нисгэгч онгоцонд агаар дутагдаж Венийн нисэх буудалд яаралтай буух хэрэгтэй боллоо гэх  үеэрээ алдаа гарган онгоцыг хулгайллаа гэдэг товч дарснаар агаарт сөнөөгч онгоцнууд хөөрөхөд хүрсэн байна.
Франкфуртээс Стамбул руу нисч явсан онгоцонд зорчигчдын дээрээс хүчил төрөгчийн баг гэнэт бууж ирэх үеэр зорчигчид сандарч эхэлсэн байна. Зорчигчдын салонд ийм байдал үүсмэгц нисгэгч онгоцыг хулгайллаа гэсэн товч дарж орхижээ. Газрын холбооны алба онгоцтой холбоо барих гэсэн боловч  хариу өгөхгүй байснаас түгшүүр зарлан газраас хоёр ч сөнөөгч онгоц хөөрөн бууж байгаа онгоцыг дагалдааж газардуулжээ. Зорчигч тээврийн онгоц амжилттай газардсаны дараа онгоцны баг зорчигчдоос уучлал гуйхад хүрсэн байна.