Энэ жилийн байдлаар Британид шинээр төрсөн эрэгтэй хүүхдүүдэд хамгийн олон өгөгдсөн нэрээр Мухаммед гэдэг араб нэр тодорсон байна. Энэ тухай "The Daily Mail" сонин жирэмсэн эмэгтэйчүүдэд зориулсан "Babycentre" сайтын мэдээллийг үндэслэн өгүүлжээ.

2014 оны хугацаанд Мухаммед гэдэг нь нэр шууд 27-н байр ахин урагшлаад Британид уламжлал ёсоор эрэгтэй хүүхдэд олон өгдөг Оливер, Жек, Ной, Харри, Чарли, Жеймс гэх мэт нэрсийг ардаа орхижээ. Мухаммед гэсэн нэрийг араб айлууд гол төлөв нуган үрдээ өгдөг уламжлтай юм байна. Мухаммед гэсэн нэрийг дагаад Омар, Али, Ибрагим гэх мэт араб, лалын шашинтай холбоотой нэр өгөх тохиолдол ч нэмэгдсэн байна. Үүнийг зарим судлаач нь Их Британийн соёлын олон хэлбэр янз тэгш эрхтэйгээр хөгжиж байгаагийн илрэл гэж магтаж.

Харин зарим нь тус улсад лалын шашинт орнуудаас ирж байгаа цагаачдын тоо эрс нэмэгдсэний илрэл гэжээ. Лалын шашинтнууд үр хөндүүлэхийг хориглодог тул жирэмслэсэн л бол төрүүлдэг. Харин британичууд үр хөндүүлэх чөлөөт эрхтэй тул үр шаардлагатай гэж үзвэл үр хөндөлт хийлгэхийг ямар нэг цээртэй зүйл гэж үздэггүй. Энэ байдлаас болж Британи гэлтгүй Европын бусад оронд уугуул иргэдийн дундах төрөлт багассаар, харин цагаачлан ирсэн суурьшмал иргэдийн дундах төрөлт өссөр ирсэн байдаг.

Эмэгтэй нэрний тухайд Британид энэ жилдээ Софи, Эмили, Лили гэсэн гурван нэр тэргүүлжээ. Гэхдээ араб эмэгтэй нэр бас л байр ахин хамгийн түгээмэл эмэгтэй нэрсийн тоонд орж ирсэн байна. Тухайлбал, араб эмэгтэй нэрсийн дотроос Марьям, Нур гэсэн хоёр нэр хамгийн түгээмэл байж. Марьям гэдэг нэр гэхэд л энэ жил шууд 59 шат ахин хамгийн түгээмэл 35 дахь нэр болсон бол Нур гэдэг нь нэр нь 29 дүгээрт оржээ.