Парагвайн нийслэлээс 300 км-т орших  Тахехий тосгонд 45 настай эмэгтэй Адольфина Окампосыг өнгөрсөн аравдугаар сард шулам хэмээн цээрлүүлсэн жигшүүрт хэрэг гарчээ.
Тосгоны оршин суугчид эмэгтэйг модон шонд хүлээд нум сумаар харвасны дараа амьдаар нь шатаасан байна.

Энэ хэргийг мөрдөн шалгасан цагдаагийнхан тосгоны оршин суугчид эмэгтэйг хараал хийдэг шулам гэснээр тосгоны ахлагч ийн цээрлүүлэх шийдвэр гаргасныг тогтоожээ. Улмаар тосгоны 10 хүнийг аллагад буруутган баривчлахад тэд ч эмэгтэйг алснаа хүлээсэн байна.

НҮБ-ын дүрвэгсдийн асуудал хариуцсан агентлагийн илтгэлд бичсэнээр бол өнөөдөр хөгжиж байгаа орнуудад хэдэн мянган хүн мухар сүсэгт итгэсэн  ийм асуудалтай тулгардаг гэнэ.Ийнхүү орчин үеийн ертөнцөд зарим газарт яг л Африкийн зэрлэг омог шиг шуламтай тэмцэх явдал байсаар байна.