АНУ-ын Ерөнхийлөгч Б.Обамагийн охидын хувцаслалт, биеэ авч яваа байдлыг Facebook-тээ шүүмжилсэн Бүгд найрамдах намын сенатор Стефен Ли Финчерийн хэвлэлийн албаны дарга Элизабет Лотен ажлаасаа халагджээ.
Тэрээр Ерөнхийлөгчийн охидыг бааранд байгаа мэт хувцаслаж, албан ёсны арга хэмжээг үл тоосон мэт харагдаж байсан нь зохисгүй хэмээн шүүмжилснээрээ өөрөө асар их шүүмжлэл хүлээсэн билээ. Түүнийг чиглэсэн шүүмжлэл хэтэрхий их байж, эцэстээ Бүгд найрамдах намын нэр хүндэд ч халдаж мэдэхээр улс төрийн агуулгатай болж ирсэн тул ажлаа өгөх нь хамгийн зөв сонголт болжээ. Элизабет Лотен ажлаа өгсөн гэдгээ “Вашингтон Пост” сонинд мэдэгджээ.