Өчигдөр Орос орон даяар Нэр нь үл мэдэгдэх цэргийн өдөр гэдэг баярыг анх удаагаа тэмдэглэлээ.  фашист германы цэргийг Москвагийн дэргэд бут цохисны 25 жилийн ойгоор 1966 оны арванхоёрдугаар сарын 3-ны өдөр Ленинградын авто замын 41 дэх км-т байсан баатарлаг улаан цэргүүдийн шарилыг зөөвөрлөж Улаан талбайд Кремлийн ханын дэргэд хүндэтгэлтэй залж оршуулсны ойгоор энэ өдрийг жил бүр тэмдэглэж байхаар шийдвэрлэжээ.

Өчигдөр оросын олон хотод эх орныхоо төлөө халуун амь, бүлээн цусаа өгсөн ч хаанахын хэн нь мэдэгдэхгүй, нэр хаяггүй оршуулсан, сураггүй алга болсонд тооцогдсон эх оронч баатарлаг дайчдын дурсгалыг хүндэтгэн хөшөө дурсгалд нь цэцэг өргөн  тэмдэглэсэн байна.


Кремлийн ханын дэргэдэх Александровын цэцэрлэгт орших Нэр нь үл мэдэгдэх цэргийн булшин дээр “Нэр чинь үл мэдэгдэх ч, Алдар гавьяа чинь үхэшгүй” хэмээн бичиж мөнхийн гал асаасан байдаг юм.