Хагупит нэртэй хар салхины улмаас Филиппинд далайн эрэг дагуу амьдардаг хагас сая гаруй хүн орон гэрээсээ дайжихад хүрчээ. 175 км/цагийн хурдтай хар салхины учруулсан гарз хохирлын хэмжээ хараахан тодорхой болоогүй байгаа ч моддыг үндсээр нь булгалж, цахилгааны шонгууд унаж, байшин барилга нурсан мэ­дээ эхнээсээ ирж байгаа аж. Гэхдээ Хагупит өнгөрсөн жилийн Хайян хар салхийг бодвол хүч багатай байгаа учир учруулах гарз хохирол ч харьцангуй гайгүй өнгөрөх байх хэмээн Филиппиний эрх баригчид найдаж байна.
Тус улс өнгөрсөн оны арван­нэгдүгээр сард Хайян хар салхид дайруулсны ул­маас ихээхэн хохирол амсч, 7000 гаруй хүн амь на­саа алдсан юм. Урьдын гам­шигаас сургамж авсан эрх баригчид Хагупит салхийг ирэхээс урьтаж эрсдэлтэй бү­сэд амьдарч буй оршин суугч­дыг нүүлгэн шилжүүлэх ажлыг зохион байгуулж амжжээ.