“Лалын улс” алан хядагч зэвсэгт бүлэглэлийнхэн өөрсдийнхөө талд байлдалгүй зугтаахыг оролдсон гэж гадаадын 100 гаруй зэвсэгт дайчныг цаазалжээ хэмээн РИА Новости агентлаг мэдээлсэн байна. Тэднийг сирийн Ракка хотод байрладаг зэвсэгт бүлэглэлийн албан байрнаас зугтаахыг оролдсоны нь дараа цаазалсан гэнэ. Энэ зэвсэгт бүлэглэлийн бүрэлдхүүнд орон байлдаж явсан ямар улсын сайн дурынхныг ийн цаазалсан нь одоогоор тодорхойгүй байна.
“Лалын улс”-ын бүрэлдхүүнд орж байлдаж байгаа гадаадын сайн дурын цэргүүд Сири дэх дайны бодит байдлыг ойлгож эхэлж байна хэмээн Британийн хэвлэл үүний өмнө бичиж байсан юм. Энд францын гурав, герман, белгийн тус бүр хоёр дайчин Башар Асадын дэглэмийн эсрэг байлдаж байгаадаа сэтгэл гутарч гэртээ харихыг хүсч байгаагаа хэвлэлд ярьсан байсан юм.