БНАСАУ-ын удирдагч Ким Чен Уныг Солонгосын Ардын Армийн дээд ерөнхий командлагчаар томилсны гурван жилийн ойн баярын хурал дээр САА-ийн Жанжин штабын дарга армийн генерал Ли Ён Гиль ингэж өндрөөр үнэлэн тодорхойлсон байна. Түүнийхээр бол Ким Чен Уны удирдлага дор Солонгосын ардын арми АНУ-тай хийх зөрчлийг ялалтаар төгсгөх жинхэнэ дайчин цэргүүдийг бэлтгэж чадсан гэнэ. 

Энэ өдөр цэргийн аугаа их жанжны цэргийн дээд командлагчаар томилогдсон ойд зориулан улс орон даяараа концертын талбай, танхимуудад аугаа их удирдагчдаа зориулсан дуу дуулан баярлаж байна. 

Ким Чен Ун Солонгосын Ардын армийн Дээд ерөнхий командлагчаар 2011 оны арванхоёрдугаар сарын 30-ны өдөр Солонгосын Хөдөлмөрийн намын УТТ-ны өргөтгөсөн хуралдаанаар албан ёсоор томилогдсон бол 2012 онд түүнд БНАСАУ-ын маршал цол олгосон юм.