Арванхоёрдугаар сарын 28-нд осолдсон AirAsia онгоцыг эрж хайж байгаа  Индонезийн аврагчид Яваны тэнгис дэх үлдэгдлээс хар хайрцагны радио дохио хүлээн авсан байна. Индонезийн Тээврийн аюулгүй байдлын хорооны төлөөлөгч Сантосо Сайого энэ тухайд одоо аврагчид хар хайрцгийг яг хаана байгааг тодорхойлохоор ажиллаж байна гэжээ. Тэр бас хар хайрцаг саяхан хаана байгааг нь илрүүлээд байгаа онгоцны сүүл хэсэгт байгаа гэсэн байна. Онгоцны сүүл хэсэг Индонезийн эрэг орчимд байсныг нэгдүгээр сарын 7-ны лхагва гарагт илрүүлсэн юм.
Үүний зэрэгцээ индонезийн аврагчид Яваны тэнгисээс онгоцны өөр нэг хэсгийг олж, хоёр хүний цогцос гаргаж авчээ.
155 зорчигч, багийн долоон гишүүнтэй энэ онгоц Индонезоос Сингапур луу нисч яваад арван хоёрдугаар сарын 28-нд Яваны тэнгист унасан юм. Онгоц сүйрсэн шалтгааныг өнөө болтол тогтоож чадаагүй болохоор хар хайрцагнаас энэ талаар тодорхой мэдээлэл авч чадна гэж найдаж байгаа юм.