Францад лалын шашинтнууд удаа дараа халдлага үйлдэж байхад француудаас жихадын талд орон Ирак, Сирид байлдаж байсан 73 хүн амь алдсан гэж Францын гадаад хэргийн сайд Бернар Казнёв хэлснийг францын хэвлэлүүд мэдээллээ.
Терроризмтой тэмцэх шинэ хууль хэрэгжиж эхэлсэнтэй холбогдуулан Францын Гадаад хэргийн сайд Бернар Казнёв хэлэхдээ “Хэн нэгэн этгээд Сири, Ирак, өөр аль нэг улсад  болж байгаа цэргийн ажиллагаанд хууль бусаар оролцвол  Франц улс түүний баримт бичгийг нь хураан авч, эх орондоо эргэн ирэхийг нь хориглох болно” гэсэн байна.
Казнёвын хэлснээр бол дэлхийн халуун цэгүүдэд байлдаанд оролцож байсан, тэнд байсан этгээд “хүмүүсийг үл хайрлах сэтгэцийн өөрчлөлттэй” болоод эх орондоо эргэн ирж, “хүмүүст аюул учруулах” нь нэг биш гэнэ.
Ингэж энгийн номхон иргэдэд аюул учруулах хэмжээний өөрийгөө удирдаж чадахгүй болсон хүмүүс олширч байгаа учраас Франц улс терроризмтой тэмцэх шинэ төлөвлөгөөнийхөө хүрээнд Дотоодын цэргийн хүчнийг 1400 хүнээр, үүний дотор тагнуулын албаа 1100 хүнээр нэмэгдүүлэхээр шийдэж байгаа юм байна.
Францын Гадаад хэргийн сайдын хэлснээр бол энэ хүчнийг шинэ зэвсэг, техник хэрэгслээр хангахад ойрын гурван жилд 425 сая евро зарцуулах юм байна.