“Эбола” вирусийн вакцины анхны томоохон туршилт Либери улсад даваа гарагт эхэллээ. Вакциныг маш нууцлан тус улсад хүргэжээ.

“GSK” болон “Merck” компанийн гарган авсан вакцины туршилтад 30 мянга орчим хүн сайн дураараа хамрагдах төлөвтэй байна.

Үхлийн аюултай вирусийн халдвараар 9000 орчим хүн нас баржээ. Нас барсан хүмүүсийн дийлэнх нь Гвиней, Сьерра-Леон, Либери улсын иргэд юм.

Үүний сацуу “Эбола”-гийн халдварын тархалтыг тун удахгүй зогсооно гэдгийг Дэлхийн Эрүүл мэндийн байгууллага өнгөрсөн долоо хоногт мэдэгдсэн билээ.