Хятадын Шинжаан-Уйгурын өөртөө засах районы нутагт даваа гарагт магнитудын 5 баллын хүчтэй газар хөдөлснөөс 7000 орчим хүн өртөж нэрвэгдлээ хэмээн Синьхуа агентлаг мэдээлсэн байна.
Газар хөдлөлийн төв нь Тачэн хотын ойролцоох Шавань гацаанд газрын дор 4 км-ийн гүнд байжээ. Газар хөдлөлийн улмаас 1728 айлын байшин эвдэрч сүйдэн нийтдээ 92,23 сая юанийн буюу 14,6 сая долларын эдийн засгийн хохирол учирсан байна.
Газар хөдлөлийн бүс дэх 132 суурин газарт аврах гурван бригад ажиллаж зам тээвэр, цахилгаанаар хангах ажил зохион байгуулж байгаа юм байна.