Британийн цэргийн мэргэжилтнүүд Украины армид сургалт хийхээр зорих гэж байна. Их Британийн Батлан хамгаалахын сайд Майкл Фаллон Украины цэргүүдэд сургалт хийх болсноо “Оросын дэмжлэгтэй түрэмгийлэл үргэлжилсээр байгаа учраас” гэж тайлбарласан байна. Тус улсын 75 цэрэг дөрвөн багт хуваагдан украинчуудад хээрийн эмнэлэг, тээвэр, тагнуул, явган цэрэг гэсэн чиглэлээр сургалт явуулах аж. Британиас гадна АНУ ч Украинд цэргийн сургалт зохион байгуулж байсан бөгөөд НАТО-гийн гишүүн бусад орон ч Украины армийг сургаж дадлагажуулахад оролцох төлөвтэй байна. АНУ гэхэд Украины гурван батальон цэргийг сургахаар нэг батальоноо илгээнэ гэж мэдэгдсэн.