Австралийн Засгийн газар коалагийн тоо толгойг цөөрүүлэх хөтөлбөрийн хүрээнд сүүлийн хэдэн жилд 700 гаруй коала устгасан нь ил боллоо. Энэ хөтөлбөрийг хэрэгжүүлэхдээ коалад халдвар тархаах аргаар устгасан байна. Үүний зэрэгцээ өөр бас хэдэн мянган коала өлсгөлөнгөөр үхэх аюултай тулгараад байгаа гэнэ. Манай гаригийн хамгийн эгдүүтэй амьтны нэг коалатай Брисбенд болсон Их -20-ийн дээд хэмжээний уулзалтад оролцсон төр засгийн тэргүүнүүд зургаа авхуулж байсан юм.