Британийн Редингийн их сургуулийн археологчид Израильд малтлага  хийж байгаад Назарет хотоос Иисус Христосын амьдарч байсан байж болох байшингийн туурь олсон байна.
Шинжилгээний багийн ажилтан эрдэмтэн Кен Дарк энэ талаар бичсэн өгүүллээ Biblical Archeology Review сэтгүүлд нийтэлж малтлагаар олсон барилгын туурийн зургуудийг хавсаргажээ. Энгд бичсэнэр бол толгодын дунд хийсэн малтлагаар байшингийн чулуун хана гарч ирсэн нь эрдэмтдийн үзэж байгаагаар энэ сууц манай эриний нэгдүгээр зууных бололтой.

Бүр 19 дүгээр зууны сүүлчээр аврагчийн эцэг эхийн амьдарч байсан барилга байж болох туурийг олсноо зарлаж байсан ч  2006  онд шинжлэх ухааны үндэслэлтэй судалгаа хийж эхэлтэл энэ таамаглалыг нэг их ойшоож үзээгүй юм байна.
Даркийн хэлснээр бол Христос малтлага хийсэн чухам энэ газарт өссөн, харин хожим нь Назаретаас нүүсэн гэдгийг византчууд, загалмайтнууд түүхэн баримтуудад бичиж үлдээсэн байдаг юм байна.

Одоо Назаретэд байгаа энэ газарт нь сүм босгож, эргэн тойрныг нь  оршуулгын газар болгосон юм гэнэ.
“Бидний таамаглал үнэн байх магадлалтайг цаг хугацаа харуулна. Судалгааны ажил үргэлжилж байна” гэж эрдэмтэн бичжээ.