ОХУ-ын сөрөг хүчний удирдагч Борис Немцовыг хөнөөсөн хэрэгт хоёр этгээдийг сэжигтнээр татан баривчиллаа гэж тус улсын Холбооны аюулгүй байдлын албаны дарга Александер Бортников өнөөдөр мэдэгдлээ.

“Б.Немцовын аллагад Анзор Губашев, Заур Дадаев гэх хоёр этгээдийг сэжигтнээр татан өнөөдөр бид баривчиллаа. Тэднийг баривчилснаа Ерөнхийлөгч Владимир Путинд мэдэгдсэн” гэж тэрбээр хэвлэл мэдээллийнхэнд хэлсэн байна.

Хоёрдугаар сарын 27-ны баасан гарагийн орой Москвагийн төвийн гүүрэн дээгүүр алхаж байхдаа Б.Немцов буудуулан амиа алдсан юм. Түүнийг гуравдугаар сарын 3-нд Москвагийн Троекуровск оршуулгын газарт оршуулсан билээ.