2013 онд гадаад орнуудад зэвсэг худалдаалсан дүнгээрээ АНУ тэргүүлж, ОХУ хоёрдугаар байрт орж байна хэмээн Олон улсын зөвлөгөө өгөх HIS  компани мэдээлснийг ТАСС дамжуулжээ.

Энэ 2014 онд ОХУ-ын зэвсгийн наймаа 10 тэрбум ам.долдарт хүрч өмнөх 2013 оныхоос 9 хувь өсөх юм байна. Оросоос зэвсэг худалдан авдаг гол түнш нь Энэтхэг, Хятад, Венесуэль, Вьетнам улсууд болж байна.  
ОХУ энэ онд Хятадад 2,3 тэрбум, Энэтхэгт 1,7, Венесуэль, Вьетнамд 1,0 тэрбум ам.долларын зэвсэг нийлүүлэхээр гэрээ хийжээ.

Гэхдээ IHS-ийн үзэж байгаагаар бол 2014 онд нефтийн үнийн уналтаас болоод оросын зэвсгийн экспорт буурч  магадгүй гэнэ.
ОХУ, АНУ-тай хамт хамгийн их зэвсэг наймаалдаг орнуудын айргийн тавд Франц, Их Британи, Герман орж байна.

Хөгжиж байгаа орнууд цэргийн нисэх хүчнээ бэхжүүлж байгаа, нөгөө талаар Ойрхи Дорнод, Ази-Номхон далайд нөхцөл байдал тогторгүй байгаатай холбогдоод зэвсгийн үйлдвэрлэл 13 хувиар өсөх магадлалтай гэж шинжээчид үзэж байна.