Туркийн аюулгүй байдлын хүчний албан хаагчид Манис мужид хоёр эрэгтэйг хууль бус бараа хил давуулдаг хэмээн сэжиглэж саатуулан шалгатал тэднээс 1000000 долларын дэвсгэрт илэрсэн байна. Тэдний машин, ачаа тээшнээс өөр хуурамч мөнгө, дэвсгэрт илрээгүй гэнэ. Цагдаагийнхан нэг сая долларын энэ дэвсгэртийг хуурамч гэж тэднийг мөнгөн дэвсгэрт хуурамчаар үйлдсэн, залилангийн хэрэгт сэжиглэн шалгажээ.

Хамгийн сонирхолтой нь 1000000 доллар хийсэн цаас нь жинхэнэ байсан гэнэ. Сэжигтнүүд мөнгөө хуурамч гэдгийг хүлээн зөвшөөрөөд, Стамбулд аваачиж зарах гэж байсан гэжээ. Цагдаагийнхан мөнгөн дэвсгэртийг хураан авч сэжигтнүүдийг суллажээ.

1000000 долларын мөнгөн дэвсгэртийг АНУ-д 1988 онд цөөхөн тоогоор хэвлэсэн юм байна. Бусад мөнгөн дэвсгэртээс ялгаатай нь нүүрэн талд нь  америкийн аль нэг ерөнхийлөгчийн зураг биш харин Эрх чөлөөний хөшөө байдаг юм байна.
Нэг сая доллларын дэвсгэрт нь өнөөдөр гүйлгээнд ашигладаггүй, маш ховор, зөвхөн цуглуулагчдын эрж хайдаг үнэт зүйл болсон юм байна.