Япон Улсад оршин суугаа монгол иргэдийн анхааралд
Нислэгийн хөдөлгөөний удирдлагын төвийн систем,тоног төхөөрөмжийн шинэчлэлийг санхүүжүүлэх гэрээнд гарын үсэг зурлаа
"Чөлөөлье" санаачилгын хүрээнд анхны "НОГООН ӨРТӨӨ” Булган аймагт нээгдлээ
“Уул уурхайн зарим төслүүдийг эдийн засгийн эргэлтэд оруулах тухай” УИХ-ын тогтоолын төслийг өргөн мэдүүлэв
Цагдаагийн байгууллагын 102 тусгай дугаарт өчигдөр 2087 дуудлага, мэдээлэл бүртгэгджээ
“Амраад аюулгүй аялъя” аян эхэллээ
Хотон нуурт 2018 онд живсэн “Уаз фургон” загварын автомашиныг 36 метрийн гүнээс татан гаргалаа
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Баян-Өлгий аймгийн 12 сумын нутаг дэвсгэрт хамаарах 319 нэрийг өөрчлөх УИХ-ын тогтоолыг баталлаа
НЗДТГ-ын даргын албан үүргийг түр орлон гүйцэтгэгчээр Ү.Ганболдыг томиллоо
Канад Исламын улсын эсрэг агаарын довтолгооноо өргөжүүлнэ
Канад улс Сири дэх Исламын улсын эсрэг агаарын довтолгооноо улам өргөжүүлэх төлөвлөгөөтэй байгааг тус улсын Ерөнхий сайд Стефен Харпер зарлалаа. Тэрээр парламентын гишүүддээ хандаж үг хэлэхдээ “Үүнээс цааш Сири Исламын улсын орогнох таатай орон байхаа болих ёстой” гээд тус улс дахь лалын хэт даврагсдын эзэлсэн бүс нутаг руу хийх довтолгооноо нэг жилээр сунгаж, 2016 он хүртэл үргэлжлүүлнэ гэдгээ мэдэгдсэн юм. Ингэснээр АНУ-аас гадна Сирийн бүс нутагт цэргийн довтолгоо хийж буй НАТО-гийн цорын ганц улс нь Канад болж байна. Ерөнхий сайд Стефен Харперын энэ саналыг улс төрийн сөрөг хүчнийхэн тийм таатай хүлээж авахгүй байгаа ч парламентын олонхийг түүний Консерватив намын гишүүд эзэлж буй учраас батлагдах байх гэсэн таамаг байна. Сөрөг хүчнийхний хувьд Исламын улсын эсрэг дайнд Канад ямар ч тодорхой зорилго байхгүйгээр оролцох шаардлагагүй гэж үзэж байгаа юм. АНУ өнгөрсөн есдүгээр сараас хойш Сири дэх Исламын улсын эзэлсэн бүс нутаг руу агаарын довтолгооноо үргэлжлүүлсээр байгаа ч тус бүлэглэлийнхэн Ирак-Сирийн хилийн аль аль талд нь хяналтаа тогтоогоод буй. АНУ-ын тэргүүлсэн Исламын улсын агаарын довтолгоонд Канадаас гадна Бахрейн, Саудын Араб, Йордан, Арабын Нэгдсэн Эмират зэрэг лалын шашинт орнууд ч хүч нэмж байгаа. Тус улсын 600 гаруй цэрэг энэ ажиллагаанд оролцож байгаагийн зэрэгцээ байлдааны 18 онгоцоо илгээсэн байна.
Канад улс Сири дэх Исламын улсын эсрэг агаарын довтолгооноо улам өргөжүүлэх төлөвлөгөөтэй байгааг тус улсын Ерөнхий сайд Стефен Харпер зарлалаа. Тэрээр парламентын гишүүддээ хандаж үг хэлэхдээ “Үүнээс цааш Сири Исламын улсын орогнох таатай орон байхаа болих ёстой” гээд тус улс дахь лалын хэт даврагсдын эзэлсэн бүс нутаг руу хийх довтолгооноо нэг жилээр сунгаж, 2016 он хүртэл үргэлжлүүлнэ гэдгээ мэдэгдсэн юм. Ингэснээр АНУ-аас гадна Сирийн бүс нутагт цэргийн довтолгоо хийж буй НАТО-гийн цорын ганц улс нь Канад болж байна. Ерөнхий сайд Стефен Харперын энэ саналыг улс төрийн сөрөг хүчнийхэн тийм таатай хүлээж авахгүй байгаа ч парламентын олонхийг түүний Консерватив намын гишүүд эзэлж буй учраас батлагдах байх гэсэн таамаг байна. Сөрөг хүчнийхний хувьд Исламын улсын эсрэг дайнд Канад ямар ч тодорхой зорилго байхгүйгээр оролцох шаардлагагүй гэж үзэж байгаа юм. АНУ өнгөрсөн есдүгээр сараас хойш Сири дэх Исламын улсын эзэлсэн бүс нутаг руу агаарын довтолгооноо үргэлжлүүлсээр байгаа ч тус бүлэглэлийнхэн Ирак-Сирийн хилийн аль аль талд нь хяналтаа тогтоогоод буй. АНУ-ын тэргүүлсэн Исламын улсын агаарын довтолгоонд Канадаас гадна Бахрейн, Саудын Араб, Йордан, Арабын Нэгдсэн Эмират зэрэг лалын шашинт орнууд ч хүч нэмж байгаа. Тус улсын 600 гаруй цэрэг энэ ажиллагаанд оролцож байгаагийн зэрэгцээ байлдааны 18 онгоцоо илгээсэн байна.
0 Сэтгэгдэл
