“Лалын улс” террорист зэвсэгт бүлэглэлийн нууц удирдагч Абу Бакр аль-Багдади тэдэнтэй нэгдэхээр саяхан сайн дураараа очсон залуухан герман бүсгүйтэй гэрлэсэн хэмээн Нинвии хот дахь эх сурвалж мэдээллээ хэмээн africanmanager.com сайтад бичжээ.
Герман бүсгүй зэвсэгт бүлэглэлийнхнийг Ирак руу довтлохын өмнөхөн Сирид байхад нь тэдэнтэй нэгдсэн юм байна.
Аль Багдадийн гэрлэсэн тухайд германы тусгай алба нийтдээ 70 герман эмэгтэй сайн дураараа  энэ зэвсэгт бүлэглэлд нэгдсэн хэмээн мэдэгдсэнээс гурав хоногийн дараа тодорхой болсон юм. Энэ эмэгтэйчүүдийн арим нь бүр насанд хүрээгүй хүүхэд гэнэ.
Эх сурвалж бас “Лалын улс” бүлэглэлийн тэргүүн шинэ эхнэртээ зэвсэгт дайчдынхаа эмэгтэйчүүдийнхээ жигүүрийг удирдах эрх өгсөн гэжээ. “Лалын улс” бүлэглэлийн тэргүүн хоёр эхнэртэй байсан, тэдний нэгийг Ливанд орох гэж байхад нь өнгөрсөн арванхоёрдугаар сард баривчилсан хэмээн Ливаны  БХЯ мэдэгдсэнийг хэвлэлүүд бичсэн. Түүнийг өөр хүний нэрээр явж байхад нь гадаадын тусгай албадын зөвшөөрлөөр баривчилсан гэж Ливаны гол сонин болох Al Safir мэдээлжээ.