Байкеруудын “Шөнийн чоно” клубын мотоциклчдын аяллыг Польшийн ерөнхий сайд Эва Копач “онцгой өдөөн хатгалга” гэж нэрлээд энэ нь ард иргэдэд ямар нэгэн таагүй зүйл учруулбал “хуулиар шийднэ” гэлээ. Байкеруудын “Шөнийн чоно” клубынхэн Ялалтын баярт зориулан өөрийн нь нутгаар аялахыг зөвшөөрөх үү үгүй юу гэдгээ Варшав хэлэлцэж байгаа ч шийдвэр хараахан гараагүй байна. Энэ үеэр Польшийн ерөнхий сайд “Оросын “Шөнийн чоно”-ны байкерууд Польшийн нутгаар явахаар төлөвлөж байгаа нь өдөөн хатгалга” гэж хэлсэн байна.
“Мотоциклчид ямар нэгэн байдлаар манай аюулгүй байдалд аюул учруулах юм уу, хууль зөрчиж ард иргэдэд таагүй зүйл тохиолдвол түүнийг зохицуулахын тулд хууль хэрэглэхээс аргагүй” гэж тэр хэлжээ.
 
Байкеруудын “Шөнийн чоно” клуб Эх орны дайны ялалтын 70 жилийн ойд зориулж зөвлөлтийн цэргийн ялалтад хүрсэн Москва – Минск – Брест – Вроцлав – Брно – Братислава – Вена – Мюнхен – Прага – Торгау – Карлсхорст – Берлин гэсэн замаар аялахаар төлөвлөж байгаа юм.