ОХУ-ын Новосибирск хотын төвийн замууд нь энд тэндээ  цөмөрч, нүх гарсныг шүүмжлэн бүсгүйчүүд үүнийг нуур цөөрөмтэй зүйрлэн дэргэд нь “наран шарлагын газар” байгуулан нүцгэлж эсэргүүцлээ илэрхийлсэн байна. Тэд хотынхоо замыг засах, сайжруулахад хотын эрх баригчдын анхаарлыг ийм байдлаар хандуулахыг зорьжээ.

“Хотын мэр коммунист Анатолий Локтюгийн ачаар новосибирчүүд одоо усанд шумбахаас аргагүй болоод байна. Хүссэн хүн хот доторхи зам дээр бий болоод байгаа нуур цөөрөмд шумбаж болно” гэж бүсгүйчүүд үзэл бодлоо илэрхийлжээ.
Бүсгүйчүүд зам дээрх хамгийн том цөмөрхийн дэргэд наран шарлагын газар байгуулан нүцгэлж, нарны шил зүүн наран ор тавин хажуудаа ус ундаа тавин тухалж  хэвтэцгээсэн байна.

Тэдний үгээр бол хотын зам энд тэндгүй цөмөрч зарим нь бүр цөөрөм болохоор гүнзгий болжээ.
Бүсгүйчүүд энэ ажиллагаагаа дүрс бичлэгт буулган хотын захирагчид хүргүүлсэн байна.