Мексикийн баруун нутгийн Герреро мужийн Чилпансинго хотод багш оуютнууд жагсч энэ сүүлдээ эмх замбараагүй байдал болон хувирч мужийн конгрессын ордны нутаг дэвсгэрт дайран орж хэд хэдэн авто машин шатаасан байна.

Жагсагчид парламентын ордны дэргэд байсан машинуудыг булаан авч шатаагаад зохицуулахаар ирсэн цагдаагийнхантай мөргөлджээ. Хууль сахиулагчид хариуд нь нулимс асгаруулагч хий ашигласан бол жагсагчид чулуу, шил, шатаагч бодис шидэлсэн байна.
Жагсагчдаас хүн саатуулсан эсэх талаар мексикийн эрх баригчид мэдээлээгүй байна.

Өнгөрсөн оны есдүгээр сард энэ мужийн Игуала тойрогт хэдэн арван оюутныг хулгайлсныг мөрдөн шалгах ажил удааширч байгааг эсэргүүцэн багш оюутнууд ийн эсэргүүцлээ илэрхийлэн сүүлийн үед ойр ойрхон жагсах болоод байгаа юм. Тэр үед авлигад автсан цагдаа, зэвсэглэсэн гэмт хэрэгтнүүд жагссан оюутнуудын эсрэг гал нээснээр зургаан оюутан амь алдаж, 25 хүн гэмтэж шархдан, 43 залуу ор сураггүй алга болсон юм.

Мөрдөн шалгах явцад цагдаагийнхан залуусыг гэмт хэргийн “Геррерос унидос” бүлэглэлийнхэнд шилжүүлэн өгч тэд нь оюутнуудыг буудан алаад шатаасан гэсэн юм. Ганцхан алга болсон залуусын эцэг эх, оюутны байгууллагын төлөөлөгчид үүнд итгэхгүйгээр эрх бариигчдаас энэ хэргийг мөрдөн шалгаж, залуусыг эрэх ажиллагааг зүргэлжлүүлэх хэрэгтэй хэмээн шаардаж жагссаар байгаа юм.