Хар тамхи хил давуулсан хэргээр Индонези улс гадаадын долоон иргэнийг цаазаар авсны хоёр нь австралийн иргэн байжээ. Энэ нь хоёр орны хооронд дипломат харилцааны тогтворгүй байдал үүсэх гол шалтгаан боллоо хэмээн Bloomberg мэдээлсэн байна.
Австралийн Ерөнхий сайд Тони Эббот австрали иргэдийг цаазалсан нь Индонезитой харилцах харилцаанд хар сүүдэр боллоо гээд Элчин сайддаа зөвлөгөө өгөхийн тулд эргүүлж татлаа гэжээ.
Тэр бас австрали иргэдэд өршөөл үзүүлэхийг  хэдэн арав дахин гуйж Индонезийн засгийн газарт хандсан гэж тэмдэглэжээ.
Индонезийн ерөнхийлөгч Жоко Видодо үүний хариуд хилийн хууль бус наймаа хийгчид, хар тамхи зөөвөрлөгчдөд хэзээ ч өршөөл үзүүлэхгүй гэдгээ нэг биш удаа мэдэгдэж байсан гэсэн байна.
Автралийн иргэн Мьюран Сукумаран,  Эндрю Чен хоёр бүр 2005 онд Бали арлаас героин тээвэрлэж индонезид оруулахаар яваад баривчлагджээ. Тэр хоёртой хамт нигерийн гурав, бразиль, Гана, индонезийн тус бүр нэг иргэнийг цаазалсан юм байна. Хар тамхи зөөвөрлөсөн таван хүнийг бас Индонези өнгөрсөн  нэгдүгээр сард  цаазалсан юм. Үүнийг эсэргүүцэж Бразил, Нидерланд улсууд индонезоос элчин сайдаа эргүүлэн татаад байгаа юм.