Чех улсад явуулсан санал асуулгаар эдний иргэдийн 54 орчим буюу талаас илүү хувь нь өнөөгийн Орос орныг “Зовлонгийн эзэнт гүрэн” гэж үзэж байгаа бол 71 хувь нь ОХУ-ын ерөнхийлөгч Владимир Путины үйл ажиллагааг таагүй үнэлж байгаа дүн гарлаа гэж тус улсын мэдээллийн Novinky сайт мэдээлсэн байна.
Ipsos сангаас явуулсан судалгаагаар Чехийн иргэдийн 60 гаруй хувь нь өнөөгийн Орос улс Балтийн орнууд руу цэрэглэн халдаж магадгүй хэмээн эмээж байгаа бол бас 59 хувь нь  Москвагийн эдийн засгийн нөлөөлөөс, 68 хувь нь оросын тусгай албаны үйл ажиллагаанаас айж байгаагаа илэрхийлжээ.
Чехийн ерөнхийлөгч Милош Земаны ОХУ-тай харьцах харьцааны тухайд санал асуулгад оролцогсдын 37 хувь нь таатай үнэлгээ өгсөн байна.
Чех иргэдийн гурваны хоёр болох 62 хувь нь НАТО-гийн холбоотнуудтай харилцаагаа өргөжүүлэх нь зүйтэй гэээд энэ нь өөрийн нь улс оронд цэргийн гол тулгуур болно гэсэн байна. Харин иргэдийн 54 хувь нь эх орондоо НАТО-гийн цэргийн байнгын бааз байгуулах шаардлагагүй гэж санал өгчээ.