Аугаа их Эх орны дайны ялалтын 70 жилийн ойгоор орос орон даяар 14 мянган арга хэмжээ болж нийтдээ  20 сая орос хүн оролцсон гэсэн тооцоо гарчээ.
ОХУ-ын нийслэл Москвад болсон баярын арга хэмжээнд гурван сая хүн оролцсон гэж ОХУ-ын Дотоод хэргийн яамны албан ёсны төлөөлөгч Елена Алексеева мэдэгдсэн байна. Тэр бас Орос орны Калининградаас Камчатка хүртэлх 6,5 мянган суурин газарт нийтдээ 14 мянган арга хэмжээ зохион байгуулж хөшөөнд цэцэг өргөн, амь үрэгдсэгсдийн дурсгалын хүндэтгэн, цэргийн парад, жагсаал цуглаан болсон гэжээ.