Усан доогуур шумбагчаас харвах балластик пуужин бүтээсэн батлан хамгаалах үйлдвэрлэлийн салбарын эрдэмтэд, технологич, ажилчдад БНАСАУ-ын удирдагч Ким Чен Ун баяр хүргэж хамт зургаа татууллаа гэж ЦТАК агентлаг мэдээллээ.
Пуужинг тавдугаар сарын 9-нд усан доогуур шумбагчаас харваж туршсан юм. “Усан доогуур шумбагчаас харвах балластик пуужин бүтээсэн нь Солонгос улс, Ким Ир Сен, Ким Чен Ирийн аугаа хүч чадлыг дэлхий дахинд харуулах бас нэг түүхэн үйл явдал боллоо” гэж БНАСАУ-ын удирдагч тэмдэглэжээ.

Умардын дээд ерөнхий командлагчийн хувьд тэрээр зохион бүтээгчдэд “Асар хүчтэй старатегийн энэ зэвсэг бол Солонгосын хөдөлмөрийн нам байгуулагдсаны 70 жилийн ойд барих сайхан бэлэг” хэмээн талархлаа илэрхийлсэн байна.
Ким Чен Ун бас “Ирээдүйд та нөхөд Солонгосын хөдөлмөрийн намын старатегийн бодлого зорилтод нийцэх, солонгос загварын орчин үеийн өөр шинэ зэвсэг бүтээнэ гэдэгт итгэж байна” гэжээ.