АНУ-ын хамгийн хаалттай, онцгой хамгаалалттай шоронгоос оргосон хоёр алуурчин Смайлик тэмдгийн дор “Өдрийг сайхан өнгөрүүлээрэй” гэж бичсэн зурвас үлдээгээд оргон зайлжээ. Тэдний байгаа газрын нь тухай ямар нэгэн мэдээллийг 100 мянган доллараар худалдан авна гэж Нью-Йорк мужийн амбан захирагч зарлаад байна.

Канадын хилээс 30 км зайтай байдаг Клинтон дүүргийн нутаг дахь энэ шоронгоос оргосон  гэмт  хэрэгтэн 48 настай Ричард Мэтт нь  хүн хулгайлсан, амийг нь хөнөөсний төлөө 25 жилийн ялтай бол, 34 настай Дэвид Суит нь  цагдаагийн даргыг хөнөөснийхөө төлөө бүх насаараа хоригдох ялаар шийтгүүлсэн хүн юм байна.