“Их-7”-гийн орнуудын удирдагчид дэлхий дахины байгууллагуудын болон, Африкийн зарим орны тэргүүнийг оролцуулан олон улсын тулгамдсан асуудлыг Германы бавар дахь Эльмау шилтгээнд чуулж байна. Оросыг оролцуулаагүй энэ уулзалтаар терроризмын эсрэг ажиллагаа, эрүүл мэндийн хөгжил, байгаль цаг уурын өөрчлөлтийн эсрэг, эмэгтэйчүүдийн үүрэг роль, дэлхийн улс төрийн бодлогын хөгжил зэрэг өргөн хүрээтэй асуудлыг ярьж байна.
ХБНГУ-ын засгийн газрын эх сурвалжийн мэдээлснээр бол энэ уулзалтаар лалын алан хядагч “Лалын улс” болон “Боко Харам” зэвсэгт бүлэглэлийн эсрэг хийх тэмцлийн тактикийн асуудал, мөн ядууралтай тэмцэх сан байгуулах тухай Берлины тусгай саналыг хэлэлцэх учраас африкийн орнуудын болон дэлхийн санхүүгийн байгууллагын удирдагчдыг энд урин оролцуулж байгаа юм байна.
Эрүүл мэндийн сэдвээр гэхэд л хар тивд тархаад байга “Эбола” вирусын эсрэг тусгай сан байгуулах гэсэн Дэлхийн банкны төслийг хэлэлцэх юм.

Герман, АНУ, Канад, Франц, Итали, Япон болон  Их Британии, Орос улсууд 1998 оноос “Их-8” гэсэн бүлэглэл байгуулж дэлхий дахины болон олон улсын  өмнө тулгамдсан асуудлуудыг хэлэлцдэг байснаа 2014 онд Украины Крымыг ОХУ өөртөө нэгтгэсний дараанаас ОХУ-ыг эндээс хасаад байгаа юм.