Дэлхийд томд орох хөвдөг нарны цахилгаан станц Японы Хёго аймгийн Касай хотод ажиллаж эхэллээ.
Нийтдээ тус бүр нь 255 ватт эрчим хүч гаргах чадалтай 9072 хавтан ашиглаж байгуулсан нийтдээ 25 мянган хавтгай дөрвөлжин метр талбайтай нарны энэ цахилгаан станц Сакасамаик цөөрөмд байрлаж 2,3 мегаватт цахилгаан эрчим хүч үйлдвэрлэх юм байна. Ингэснээр энэ цахилгаан станц 820 айлын эрчим хүчийг бүрэн хангах юм. Үүний өмнө гуравдугаар сард японы Куосеrа компани  Хёго аймагт ийм хоёр ч нарны эрчим хүчний хөвөгч цахилгаан станц ашиглалтад оруулсан нь нийтдээ 2,9 мегаватт чадалтай юм.
Цөмийн эрчим хүчний “Фукусимо-1”  станцад 2011 оны гуравдугаар сард осол гарахаас өмнө японы эрчим хүчний хэрэглээний 30 хувийг цөмийн станцууд хангаж байсан бол өнөөдөр цөмийн 48 реакторыг зогсоож 13 станцын 20 реакторыг шалгаж байна.