Өмнөд Солонгост Ойрхи Дорнодын амьсгалын замын хам шинж буюу “MERS” титэмт  вирусээр нас барсан гурван тохиолдол өнөөдөр нэмж бүртгэгдсэнээр уг вирусээр нас барагсдын тоо 23 боллоо.

Мөн тус улсад амьсгалын замын гаралтай энэ халдварт өвчин туссан гурван тохиолдол нэмж бүртгэгдсэнээр халдвар авагсдын тоо нийтдээ 165 болсон байна.

Халдвар авсан гурван хүний хоёр нь “MERS”-тэй өвчтөнүүдийг эмчлэхэд тусалж байсан өөр өөр эмнэлгийн сувилагчид аж.

Тавдугаар сарын 20-нд “MERS”-ийн анхны тохиолдол бүртгэгдсэнээс хойш халдвар авагсдын 24 нь бүрэн эдгэрэн эмнэлгээс гарчээ.