Оросын “Шөнийн чоно” клубын мотоциклчид Аугаа их Эх орны дайны ялалтын 70 жилийн ойд зориулж Москва-Берлин гэсэн мото аяллаар явахад нь хил нэвтрүүлээгүй хэмээн Польшийн хилчдийг шүүхэд өгсөн байна. “Хэрэв Варшавын шүүх энэ хэргийг хүлээн авахгүй, авч хэлэлцэхгүй бол бид давж заалдана” гэж “Шөнийн чоно” клубын мэдээлэлд дурджээ.

Байкерууд шударга үнэний төлөө эцсээ хүртэл заргалдана гээд “Хэрэв давж заалдахыг хэрэгсэхгүй бол бид Страсбург дэх Европын хүний эрхийн шүүхэд хандах болно” гэснийг “Шөнийн чоно” клубын төлөөлөгч Сергей Ухтинский хэлсэн байна.