Украины үндсэрхэг үзэл бүхий “УНА-УНСО” намын тэргүүн байсан, өнөөгийн “Братство” намын тэргүүн Дмитрий Корчинский телевизийн 112 сувагт ярилцлага өгөхдөө Донбассын иргэдэд Дэлхийн хоёрдугаар дайны үед америкчуудын хандаж байсан загвараар хандах ёстой гэсэн байна.
Корчинскийн саналаар бол Донбассыг эргүүлж авахын тулд орон сууцны хорооллуудыг бөмбөгдөж, Донецк, Луганскийн иргэдэд зориулж бөөнөөр хорих лагерь байгуулах хэрэгтэй гэнэ.
“Дэлхийн хоёрдугаар дайны жилүүдэд Америк ардчиллын гол зүйл сонгууль бусад зүйлийг хадгалсаар ирсэн. Тэр бүү хэл тэр үед АНУ-д хэдэн сая хүн бөөнөөр хорих лагерьт байсан шүү дээ” гэж Корчинский хэлээд америкчуудыг украины “ардчиллын багш” гэсэн байна.

Тэр бас АНУ-г немцийн хотуудыг бөмбөгдөж, Японд цөмийн бөмбөг хаяж байхдаа ч ардчиллын зарчим, “хүмүүнлэгийн өндөр түвшин”-ийг хадгалж байсан юм гэсэн байна.
“Украинд эрх чөлөөний багагүй өндөр түвшин шаардлагатай байна. Өнөөдөр эрх чөлөө хязгаарлагдмал байна, илүү их эрх чөлөө хэрэгтэй байна” гэж тэр бас хэлжээ.