Йемений “Аллах-ансар” хөдөлгөөн гэдэг улс төрийн тэргүүлэх  хүчин, нийслэл Сана хотыг эзлээд байгаа олонхи, Йемений Социалист нам, “Ард түмний хүчний холбоо” социалист  намын   төлөөлөгчид  ТАСС-ын сурвалжлагчтай ярилцахдаа ингэж мэдэгдсэн байна.
Тэд өнгөрсөн онд ОХУ-ын Төрийн Думын депутатууд Йеменд айлчилсны хариуд парламентын шугамаар ОХУ-д айлчилж байгаа юм.
“Манай бүс нутаг, ялангуяа Йеменд ОХУ гол үүрэг гүйцэтгээсэй гэж хүсч байна” хэмээн “Бүх ардын конгресс” намын улс төрийн байнгын хорооны орлогч дарга Мугиб Абдуль Фаттах Аль-Анси хэлсэн байна.
“Ансар Аллах” хөдөлгөөний гадаад харилцааны байнгын хороны дарга Хусейн аль-Иззи бас “Өнөөдөр Орос улс манай бүс нутагт, ялангуяа Сирид бий болоод байгаа асуудлыг шийдвэрлэхэд гол үүрэг гүйцэтгэж байна” гэж мэдэгджээ.
Тэрээр “Бүс нутгийн асуудлыг шийдвэрлэхэд Оросыг оролцуулахгүй байх аргагүй” гээд энэ бүсэд АНУ-ын явуулж байгаа бодлогыг Москва л сөрж чадна” гэсэн байна.
Үүнийг Йемений Социалист намын эдийн засгийн газрын тэргүүн Абделькадер Али Абдо бас дэмжжээ.
“Хэрэв манай нөхцөл байдлыг тогтворжуулах өөр улс гүрэн Баруунд ч, персийн булангийн орнуудад байна. Гэхдээ л Орос бол хамгийн үр ашигтай, үнэнч, олонхи итгэж болох улс” гэж тэр хэлж байна.
Түүнийхээр бол өнөөдөртөө Йемений улс төрийн нөхцөл байдлыг тогтворжуулахаар АНУ, Саудын Араб гол үүрэг гүйцэтгэж, байдлыг бүр хурцатгаж, хямрал руу түлхэж байгаа гэнэ. Ийм л болохоор Йеменд одоо оросын дэмжлэг хэрэгтэй байна.  Яагаад гэвэл ОХУ “Йемений найз нөхөд” бүлэглэлд ордог ч өнөөдөртөө үүрэг нь хангалтгүй байгаа гэжээ.
“Орос бидэнд зэвсэг нийлүүлэгч биш, харин энхтайван байдлыг хадгалах, улс оронд тайван байдал бий болгох баталгаа болох хэрэгтэй байна” гэж улстөрч хэлж байна.

Йемений өнөөгийн байдал

Йеменд 2014 оны наймпдугаар сараас улс төр аюулгүй байдлын гүн хямрал нүүрлэж эхэлсэн. Хоуситүүд нэгдүгээр сарын сүүлчээр төрийн тэргүүн, засгийн газрын тэргүүнээ огцруулж эрх мэдлийг хоёрдугаар сар гэхэд өөрсдөө аваад Үндсэн хуулийн тунхаг гэдгээ зарласан юм.
Хоёрдугаар сарын 22-нд Йемений ерөнхийлөгч Абб Раббу Мансур Хадиг гэрийн хорионоос гаргасан ч тэр нийслэлээ орхин улс орныхоо өмнөд нутгийн Аден руу яваад тэнд очмогцоо огцрохоо мэдэгдсэн. Ингэмэгц Саудын Араб, Арабын нэгдсэн Эмират улсууд элчин сайдаа Аденд шилжүүлж Хадиг дэмжихээ илэрхийлж Персийн булангийн араб орнуудын хамтын нөхөрлөлийн Холбооны оролцоотойгоор хамтарч ажиллахаа зарласан байна.
Гэрийн хорионд байгаа ерөнхий сайд Халид Махфуз Бахахаг  ямар ч болзолгүй чөлөөлж, дотоодын хямралыг зогсоох талаар яриа хэлэлцээрт орохыг засгийн эрхийг булаан аваад байгаа шийтүүдэд НҮБ-ын Аюулгүйн зөвлөл хоёрдугаар сарын 26-нд уриалсан ч Йемений хямрал зогсохгүй өөр зуураа байлдсаар байгаа юм.
Өнөөдрийн байдлаар 2800 орчим хүн амь үрэгдсэний дотор хүүхэд эмэгтэй 200 орчим хүн байгаа бол 4000 орчим хүн шархдаад байгаа юм.