2050 он гэхэд Хятад эдийн засгаараа дэлхийд  тэргүүлэх орон болж АНУ-г гүйцэж түрүүлэн нэг хүнд оногдох Дотоодын нийт бүтээгдхүүнээрээ нэгдүгээрт орно гэж судалгааны Economist Intelligence Unit (EIU) төв дүгнэснийг The Economist сэтгүүл нийтэлжээ.
Өнөөдөр хятадын эдийн засаг 10,3 их наяд доллар байгаа бол энэ хугацаанд арав дахин өсч 105,9 их наяд доллар болно гэж EIU дүгнэсэн байна. Харин өнөөдөр 17,4 их наяд доллараар хэмжигдэж байгаа АНУ-ын эдийн засаг дөнгөж дөрөв дахин өсч 70,9 их наяд долларт хүрэх гэнэ.
2050 он гэхэд Мексик, Италийн эдийн засаг өссөөр дэлхийн хамгийн хүчирхэг 10 орны тооноос Орос, Италийг хасч өмнө нь орох юм байна.
Мексикийн эдийн засаг гэхэд л өнөөдөр байгаа 1,29 их наяд доллараас  9,83 их наяд болтлоо өсч дэлхийн улс орнуудаас наймд орох гэнэ. Мексикийн өмнө Хятад, АНУ, Энэтхэг, Индонези, Япон, Герман, Бразиль  гэсэн долоон орно. Харин ес, аравдугаарт Их Британи, Франц орох нь. Энэтхэгийн эдийн засаг гэхэд л 2050 он хүртэл 31 дахин өсч гуравдугаар байрт орох юм байна.