Малийн Севар хот дахь “Библос” зочид буудалд өнгөрсөн баасан гаригт алан хядагчид халдаж гадаадын иргэдийг барьцаалсан юм. Барьцааны хүмүүс дунд Орос, Украйн, Өмнөд Африкийн иргэд төдийгүй НҮБ-ын ажилтнууд байсан аж. Бямба гаригт Малийн цэргийнхэн болон НҮБ-ын энхийг сахиулагчид барьцааны хүмүүсийг суллах явцад гарсан мөргөлдөөний улмаас  12 хүн нас барсны тав нь цэргийнхэн буюу НҮБ-ын гэрээт албан хаагч, гурав нь барьцааны хүн, дөрөв нь алан хядагч байсан гэжээ.
НҮБ-ын гэрээт албан хаагч нар амь үрэгдсэнтэй холбогдуулан НҮБ-ын ерөнхий нарийн бичгийн дарга Бан Ги Мун гүн эмгэнэл илэрхийлсэн юм. Барьцаанаас НҮБ-ын хоёр ажилтан, Өмнөд Африкийн Бүгд найрамдах улсын хоёр, нэг орос, нэг украйн иргэнийг эрүүл суллаж чадсан гэнэ. Гэвч амь үрэгдэгсдийн дунд украйн мали, непали, ӨАБНУ-ын иргэн байжээ.