Индонезийн агаарын тээврийн Trigana Air Service компанийн  зорчигч тээврийн ATR  онгоц тус улсын зүүн нутгийн Папуа  мужид уул мөргөснөөс 56 зорчигч нас барсан эмгэнэлт явдал гарчээ. Онгоц уул мөргөхийнхөө өмнө Папуа-Шинэ Гвиней районы орчимд холбоо тасарч сураггүй болсон гэж Индонезийн Үндэсний эрэн хайх, аврах газрын тэргүүн Бумбанг Сулисто мэдээлсэн байна.
Папуа мужийн Жаяпур хотын нисэх буудлаас Шинэ Гвиней арал руу зорчиж явсан онгоцонд насанд хүрсэн 44 зорчигч, таван хүүхэд, багийн таван гишүүн явжээ.