Хятад боомт Тяньжин хотод болсон хэд хэдэн удаагийн дэлбэрэлт, түймрийн улмаас тархсан химийн хорт бодис зөвхөн Хятад улс, ойр орчимд төдийгүй агаар урсаар дамжин хил давж бусад улсад нөлөөлж мэднэ гэж мэргэжилтнүүд анхааруулж байна. Дэлбэрэлтийн улмаас агаарт тархсан химийн хорт бодисын хэмжээг өнөө болтол тодорхойлж чадаагүй л байна. Байгаль хамгаалах Greenpeace байгууллагын шинжээчид дэлбэрэлтийн район дахь агаарын хөдөлгөөнийг судалж тооцоо гаргаад байна. “Өнөөдөр дэлбэрэлтийн улмаас асар хортой цианит натри их хэмжээгээр тархаад байгаа нь аюултай байна. Хотын эрх баригчид дэлбэрэлтийн төвөөс гурван км-ийн радиуст амьдардаг хүн амыг нүүлгэн шилжүүлэх арга хэмжээ авч байна. Гэхдээ нүүлгэн шилжүүлж байгаа радиустыг “Гринпис” хангалтгүй гэж үзэж байна” мэдэгдсэнийг энэ байгууллагын хэвлэлийн алба цацжээ.
Одоо бороо орох юм бол хорт бодис усаар урсан гол мөрөн, олон сая хүнтэй хотын ундны усны эх үүсвэрт орж илүү аюул учруулна гэж экологчид анхааруулж байгаагийн зэрэгцээ ус агаараар дамжин хилийн чанадад ч тархан аюул учруулж болзошгүй байгаа юм.

Хятадын Тяньжин хотод энэ сарын 12-ны өдөр үйлдвэрийн агуулахад хүчтэй дэлбэрэлт болж дараа нь хэд хэдэн удаа дахин дэлбэрсний улмаас их хэмжээний түймэр дэгдсэн юм. Энд 700 тонн химийн хорт бодис  цианит натри байсан нь тодорхой болсон юм.