АНУ-ын Миссоури мужийн шүүх цагаан арьстай цагдаагийн талд удаа дараа шийдвэр гаргаж, албан үүргээ гүйцэтгэж явахдаа өнгөт арьстай, өсвөр насны хүүгийн амийг хөнөөсөн гэж үзсэн. Энэ үйл явдалтай холбоотой мужийн иргэд, Фергусон хотын иргэд маш их дүргүйцэн, шүүхийн шийдвэрийг эсэргүүцэж жагсаал хийлээ.

Иргэд цагдаа нар луу чулуу шидэн танхайрсан бол цагдаагийн ажилтнууд жагсаалыг тараах үйл ажиллагааг хийсээр байна. Майкл Броун хүүгийн амь насыг шүүхийн өмнө нэхсэн эцэг эхчүүдийн хувьд цагаан арьстай цагдаад ял оноох хүртэл тэмцлээ үргэлжлүүлнэ гэлээ. Анхан шатны шүүгч Дональд МакКуллин хэрэг явдлын талаар өөрийн байр суурийг хэвлэлээр дамжуулан эцэг эхэд илэрхийллээ. Тэрээр “Шүүх ажиллагаа хэргийг нөхцөл байдлаас хамаарч гаргадаг. Бидний эцсийн шийдвэр хуулийн дагуу үнэн л байдаг.

Майклийн хувьд цагдаагийн ажилтны үүрэг даалгаврыг эсэргүүцэж, галт зэвсэгтэй мэт аашилсан нь амиа алдах гол шалтгаан болсон гэж шүүх зөвлөл үзсэн. Цагдаагийн ажилтан арьс өнгөөр ялгаварлан гадуурхсан бол Цагдаагийн байгууллагаас түүний талаар хувийн тодорхойлолтод цохох байсан” гэжээ.