Балбад эсэргүүцлийн жагсаал болон үндэстэн хоорондын тулаан, дайн үргэлжилсээр байна. Даваа гарагт Тхару болон хэд хэдэн үндэстэн хоорондоо мөргөлдсөний улмаас долоон цагдаагийн ажилтан, нэг хүүхэд амиа алдсан харамсалтай үйл явдал болсон билээ. Тхару үндэстнүүд Үндэсний эрх ашгийн төлөө хуулиа өөрчлөхийг шаардаж давхар яс үндэсний дайн тулааныг хийж байгаа талаар эх сурвалжууд мэдээлсэн. Тэгвэл өчигдөр болсөн мөргөлдөөний үеэр 18 эрэгтэй амиа алджээ. Мадхеси болон Тхару үндэстэн Гаур тосгоны ойролцоо мөргөлдөж олон хүн бэртэж гэмтсэн талаар “CNN” агентлаг мэдээллээ. Цаашид тосгод, хотын зах хэсгээр хяналтаа өндөржүүлэх талаар мөн улс орны бүрэн бүтэн байдлыг хангах, иргэдийн аюулгүй байдлыг сахин ажиллах талаар цагдаагийн байгууллага нь мэдэгджээ.
Тэгвэл шаардлагатай тохиолдолд жагсаалыг галт зэвсгээр зогсоох эрхтэй гэдгийг тус улсын Ерөнхийлөгч армийнхандаа зөвшөөрсөн. Тиймээс жагсаал, цуглааны байдал арай намжих хандлага ажиглагдсаар байгааг эх сурвалж онцоллоо.