Латвийн 25 мянган хувь хэвлэгддэг Latvijas Avīze сонинд нийтлэлч Янис Стабурагс бичсэн өгүүлэлдээ латвид өнөөдөр амьдарч байгаа орос иргэдийг умард Африкийн дүрвэгсдээр солих санал дэвшүүлжээ.
“Латвийн засгийн газар яагаад манайд амьдарч байгаа оросын колончлогчдыг дүрвэгсдээр солих санал дэвшүүлэхгүй байгаа юм бэ. Латвид  оросын 750 мянган колончлогчид байгаа нь нэг дүрвэгчээр 100 оросыг сольж болно гэсэн үг. Европын холбоо биднийг дэмжээд үүнийг хүлээж авбал бид 750 мянган колончлогчдыг хөөгөөд оронд нь 7500 дүрвэгч авна гэсэн үг. Европын холбоонд болохоор бид арьсны үзэлтнүүд биш, дүрвэгсдийн эсрэг биш гэдгээ харуулна. Хамгийн гол нь Латви улс оросын булаан эзлэгчид, колончлогчдоос ангижирна. Европ болохоор умард Африк, Ойрхи дорнодоос ирж байгаа мянга мянган дүрвэгчийнхээ асуудлыг шийднэ” гэж Стабурагс бичжээ.
“Европ ингэхийг зөвшөөрвөл манай колонлогчдоос Герман, Франц, Англи зэрэг орнуудад тун цөөхөн хүн хуваарилагдан очно. Тэгээд ч тэр орнууд, тэр оросуудын “тав дахь цуваа”  Путинд ашиггүй. Харин оросын колончлогчид, дээрэнгүй үзэлтнүүдийг бодвол 7500 дүрвэгч гэдэг бол Латвийн хувьд нэг асуудал биш” гэж Стабурагс үзэж байна.
Энэ нийтлэлийн дараа сөрөг хүчний улстөрч Владимир Линдерман “Сонины энэ нийтлэлийг нэг их анхаарах хэрэггүй. Бид ч гэсэн нутгийн үндэсний үзэлтнүүдийг Сибирь, умардын хязгаар гээд хүн ам сийрэг газрын иргэдээр солиход бэлэн байна” гэж бичжээ.