ОХУ-ын Хабаровскийн тавдугаар гимназид ОХУ-ын  ерөнхийлөгч Владимир Путины хөрөгтэй хамт БНАСАУ-ын удирдагч Ким Ир Сен, түүний хүү Ким Чен Ирийн хөргийг ханандаа хадан шүтэж эхэлжээ. Тус сургууль Орос-Солонгосын найрамдын танхим нээсэндээ их удирдагчдын зургийг ингэж залсан байна. Энэ танхимын нээлтэд Хабароск  хотын захирагч Александр Соколов, Находк дахь БНАСАУ-ын ерөнхий консул Мун Хо нар оролцжээ. БНАСАУ-ын консул Мун Хо энэ үеэр “Ийм анги нээсэн нь хоёр орны залуу үеийнхний хооронд найрамдал нөхөрлөл бэхжүүлэхэд туйлын бодитой хувь нэмэр оруулна” гэжээ.

БНАСАУ-г үндэслэн байгуулагч Ким Ир Сен 1948-1972 он хүртэл БНАСАУ-ын ерөнхийлөгч, Сайд нарын танхимын дарга байсан, солонгосын чучхегийн онолыг үндэслэгч  “Аугаа их удирдагч нөхөр Ким Ир Сен”  гэгдэж байгаа хүн. Нас барсны нь дараа түүнийг  “Мөнхийн ерөнхийлөгч” хэмээн өргөмжилсөн юм.
Ким Чен Ир нь түүний хүү эцгийнхээ онол сургаалийг үргэлжлүүлэгч байгаад 2011 онд нас барсан. Өнөөдөр түүний хүү Ким Чен Ун БНАСАУ-г удирдаж байгаа.