Алан хядагч “Лалын улс” зэвсэгт бүлэглэл дүрвэгч цагаачлагчдын халхавчин дор өөрийн 4000 гаруй дайчнаа Европын улс орнууд руу илгээж байна гэж зэвсэгт бүлэглэлд ажиллаж байгаа туршуулаас авсан мэдээллээ Sunday Express сонин нийтэлжээ.
Хэвлэлд бичсэнээр бол Сири дэх  “Лалын улс” бүлэглэлд АНУ тэргүүтэй эвслийн хүчний агаараас өгч байгаа цохилтын өшөөг авахаар 4000 бэлтгэгдсэн зэвсэгт дайчин Европын холбооны улсуудад  очиж байгаа нь энэ гэнэ.

Тэдний зөвхөн засгийн газар луу дайргч халдахаас биш энгийн ард иргэдэд халдахгүй гэж эх сурвалж бичиж  байна. Зэвсэгт дайчдыг Туркээр дамжин европ руу нэвтрэхэд тэндэхийн  хилийн наймаачид тусалж байгаа  гэжээ. Түүний хэлснийг туркийн хоёр ч хилийн наймаачин-дүрвэгч баталсан байна. Тэдний нэг нь л гэхэд арав гаруй зэвсэгт дайчныг Европ руу жирийн дүрвэгч байдлаар гаргаж өгснөө хэлжээ. Түүний тусалж Европ руу гаргаж өгсөн зэвсэгт дайчдын зарим нь өөрийн гэр бүлийнхнээ тийшээ оруулахаар явсан гэсэн бол зарим нь Европт очоод бэлэн байдалд тушаал хүлээж байх гэнэ.

Энэ 2015 он гарснаас хойш зөвхөн Гахзар дундын тэнгисээр дамжиж 220 гаруй мянган дүрвэгч Европын холбооны орнууд руу орж ирсэн бол усанд живж 2,1 мянган хүн амь алдсан юм.
Европын холбоо одоо гишүүн орнууддаа энэ дүрвэгсдийг хуваарилахаар болсон тухай энэ сарын 6-нд хэвлэлүүд мэдээлж байна.