АНУ-ын Өмнөд Каролина мужийн нэгэн иргэний гэрт 10 мянга гаруй галт зэвсэг хадгалаастай байсаныг цагдаагийн байгууллага шалгаж илрүүлжээ. Улмаар мужийн шерифф бүртгэлгүй зэвсэг их хэмжээгээр нэг хүний гэрт байсан аюултай байдлаас урьдчилсан сэргийллээ гэв. Эзэмшигч нь 51 настай Брент Николсон гэгч байсан бөгөөд худалдаж авсаар ийм хэмжээнд хүрсэн гэж мэдүүлжээ. 10 мянга гаруй зэвсгийн нэгд нь ч бүртгэл байгаагүй аж. Мужийн цагдаагийн газраас зэвсгүүдийг хураан авч бүртгэх ажлыг эхлүүлсэн байна.

Уг нь цагдаагийн ажилт­нууд галт зэвсгийг тоолж эхэлж байсан боловч 4000 хүргээд эзнээс нь хэд байгааг асуужээ. Энэ үйл явдлаас болж АНУ-ын Ерөнхийлөгч Барак Обама Галт зэвсэг наймаалах эзэмших тухай хуулийг дахин эргрэн харахаа илэрхийлж, нийгмийн аюулгүй байдлыг хангах чиглэлийн сургалт зохион байгуулах үүрэг өгсөн байна.  Дээрх 10 мянга гаруй галт зэвсгийг үнэлэж үзэхэд нэг сая гаруй ам.доллар болох тооцоо гарчээ. Хэргийг шалгаж байгаа бөгөөд цаашид ямар арга хэмжээ авах талаар эцсийн шийдвэр гараагүй хэмээн CNN агентлаг мэдээллээ.