БНХАУ хиймэл арал хийх болсон нь нэгэн чухал бүтээн байгуулалт болоод байна. Дэлхий даяар их газрын бодлогыг биширч, бахдах болжээ. Тэгвэл АНУ-ын зүгээс Өмнөд Хятадын тэнгист хийсэн хиймэл арлыг устгахаар Батлан хамгаалах яамны агаарын нисэх хүчний онгоц илгээх гэнэ. Сүүлийн 24 цагийн дотор АНУ-ын Батлан хамгаалах яам дээрх шийдвэрийг баталсан талаар эх сурвалжууд мэдээллээ. Энэхүү даалгаварыг Ерөнхийлөгч Барак Обама баталсан аж. Олон улсын агаарын бүсэд АНУ-ын цэрэг армийн хүчин дээрх арлыг устгах онгоцыг хамгаалах болно гэдгээ мэдэгдэв.

Америкийн бөмбөгдөгч онгоц агаараас болон усан цэргийн флотоос цохилт өгөхөө БНХАУ-ын талд сануулжээ. Харин өмнөд хөрш ямар хариу өгөхгүй байгаа юм. Олон улсын усан флот, олон улсын усны хил хязгаарыг хилийн бүсэд хамааруулан хянаж байдгаа харуулах гэсэн үйлдэл гэдгийг холбооны хэвлэлийн төлөөлөгч Жон Кирби мэдэгдсэн. Олон улсын чөлөөт бүсэд БНХАУ ийнхүү дур зоргоороо өөрсдийн газар нутгийг тэлж, арал хийж болохгүй гэдгийг сануулж буй аж.

АНУ-д суух БНХАУ-ын Элчин сайд Зу Хайкуан “Бусдын эрх чөлөөг хамгаалах нэрийдлээр эд хөрөнгөнд дур зоргоороо халдах, хүч хэрэглэх нь тийм ч зохимжтой үйлдэл биш” хэмээн хэвлэлийн бага хурал хийх үеэрээ өчигдөр хэлсэн байна. Америк бүх зүйлийг эзэрхэж ноёрхох хүсэлтэй, асуудал бүхэнд хошуу дүрэхийг харсаар өдийг хүрсэн гэдгийг сануулж байна гэж байр сууриа илэрхийлжээ. Хэрэв хиймэл арлаас болж хоёр улсын харилцаа хүйтэрч, дайны байдалд шилжих юм бол АНУ-ын эсрэг том гүрнүүд хуваагдах нь ойлгомжтой. Холбоотон орнууд ч өөрсдийн байр суурийг илэрхийлэх шаардлагатай болно.
Сүүлийн жилүүдэд БНХАУ-ын гэх хиймэл арлууд Филиппин, Малайз, Бруней, Тайвань, Вьетнам зэрэг орны далай тэнгисийн хилийн бүстэй тун ойрхон байрлалд эрс нэмэгдэж эхэлсэн. Дээрх хиймэд арлуудад бүтээн байгуулалт хийхэд бэлэн болсон тухай өнгөрсөн долдугаар сард мэдээлсэн. Гэвч олон улсын далай тэнгисийн хуулийн дагуу АНУ ийнхүү арга хэмжээ авах нь бололтой. Хятадын тэнгист олон улсын бүс байгаа ч хиймэл арал хийх зөвшөөрөл нь тодорхойгүй аж. БНХАУ-ын усан цэргийн флотын хөлөг онгоц АНУ-ын Аляска мужийн ойролцоо үзэгдсэн нь энэ бүхний эхлэл байхыг үгүйсгэхгүй байна.