Египетэд осолдсон оросын иргэний агаарын тээврийн А-321 онгоцны сүйрлийн талар шинжээчид гурван таамаг дэвшүүлснээ зарлалаа. Мөрдөн шалгах ажилд хамгийн ойр байгаа эх сурвалж энэ ослыг 1988 онд шотландын Локербид осолдсон америкийн Boeing онгоцны сүйрэлтэй яг адил зүйл болсон гэсэн байна. Тэр онгоцны ачааны хэсэгт байсна семоданд хийсэн багавтар бөмбөг дэлбэрсэн юм.
Өөр нэг хувилбар нь онгоцны эд ангийн гэмтэл. А-321 онгоц 2001 онд Каирын нисэх буудалд буух үедээ сүүл хэсгээ нислэгийн зурвас цохиж гэмтсэн.  Засвар хийж, техникийн үзлэгт оруулсныхаа дараа онгоцыг дахин нислэгт оруулсан юм байна.
Хамгийн магадлалтай буюу гуравдахь шалтгаан нь хөдөлгүүрийн гэмтэл. Шинжээчдийн үзэж байгаагаар турбин эвдэрч түүний хэсгүүд далавчийг цохисон байж болно гэнэ.
Египетийн Шарм-эль-Шейха амралтын газраас ОХУ-ын Санкт- Петербургийг чиглэж явсан А-321 онгоц аравдугаар сарын 31-нд осолдож 224 хүний амь эрсэдсэн юм.