Умард Солонгосын тав хүртэлх насны гурван хүүхэд тутмын нэг нь хоол хүнсний дутагдалд орсон бол эмэгтэйчүүдийн гуравны нэг нь тураалтай байна гэж НҮБ-ын дэргэдэх Дэлхийн хүнсний хөтөлбөрийн ажилтнууд мэдээллээ. Дэлхийн хүнсний хөтөлбөрийн Азийн асуудал хариуцсан төлөөлөгч Дамиан Кин үүнийг Солонгост энэ жил тохиосон их ган, хуурайшил нь ургацад муугаар нөлөөлж цагаан будаа, эрдэнэ шишийн ургац муу авсантай холбоотой гэсэн байна. Энэ жил нийтдээ Умардын хураасан ургац өмнөх жилийнхээс 10-15 хувь буурчээ.
Энэ оронд нүүрлээд байгаа өлсгөлөнгийн аймшигт үр дагаврыг улам хүндэрчихээс сэргийлж НҮБ-ын Хүнсний хөтөлбөрөөс Умард Солонгост  худалдах хүнсний бүтээгдхүүн худалдан авах хөрөнгө хуримтлуулах хугацааг 2016 оны зургадугаар сар хүртэл сунгасан байна. Нийитдээ 160 сая доллар цуглуулахаар төлөвлөсөн ч өнөөдрийн байдлаар арай гэж талыг нь олжээ.