Алан хядагч “Лалын улс” зэвсэгт бүлэглэлийнхэн тун удахгүй Орост халдана гэж сүрдүүлснээ дүрс бичлэгээр цацасныг Рейтер агентлаг дамжууллаа. Орос хэлээр бичсэн энэ дүрс бичлэгийг “Лалын улс”-ын албан ёсны Al-Hayat Media Center сайтад тавьжээ. Энд тун удахгүй Орост халдана гэдгээ хэлсэн байнах.
Сирид агаараас довтолж байгаа учраас Орос, АНУ-д халдана гэж “Лалын улс”-ынхан үүний өмнө ч заналхийлж байсан гэж Рейтер сануулсан байна.
ОХУ өнгөрсөн есдүгээр сарын 30-наас эхлэн эвслийн орнуудтай нийлж “Лалын улс” зэвсэгт бүлэглэлийн байрлалуудад агаараас цохилт өгч байгаа юм. “Лалын улс”-ын энэ бичлэгт бас Европын орнуудад заналхийлжээ.
Синаин хойгт осолдсон оросын иргэний агаарын тээврийн 224 зорчигчтой онгоцны сүйрлийн хариуцлагыг “Лалын улс” зэвсэгт бүлэглэлийн Египет дэх салбар өрөө хүлээгээд байгаа юм.